منبلش بالقصة من عند ما صارت الحفلة اللي عاملها الامير
و راحو مرت ابوها و خواتها التنتين لسندريلا على حفلة عرس بنت المليونير الكبير ... و اش ليبسين لبس و جخ و فخفخة غير شكل ! و بالحفلة رح يكون موجود ابنو ياللي عبدور على عروس
و قعدت هالمسكينة سندريلا لحالا بالبيت عبتندب حظا !
و فجأة طلعتلا الساحرة !! و بايدا العصاية السحرية !
طبعا سندريلا كانت قرأت القصة من قبل و عرفت انها لازم تتعجب وقت ياللي بتطلع الساحرة ... لذلك ما تعجبت بس ساوت حالا تعجبت ... و فنجرت عينيها كل وحدة هيك قدا !
و قالتلا الساحرة لسندريلا : اشبك روحي تقبري عضامي ليش زعلانة احكيلي روحي لا تخافي انا خالة الساحرة مو قريتي عني بالحكاية ؟!
قالتلا سندريلا : و الله شوفت عينك هي مرة ابوي الظالمة المفترية و بناتا التنين الجربانات راحو عالعرس و تركوني هون لوحدي اجلي و اغسل و اطبخ ...
هادا حظي المنيل اش اعمل يعني !!
الساحرة : لك ياللي بسمعك ما بقول انو عندكن غسالة و جلاية و مكنسة عالكهربا ... بقا اشو ياللي صعب عليكي تعمليه ؟!
سندريلا : اه ... يعني ما بتعرفي ؟! بالله نشر الغسيل و الكوي ماو مشقة يعني ؟!؟! بس اش اعمل بدي اتحمل ... حسبي الله و نعم الوكيل !
الساحرة : بعدين لك بنتي الله يرضى عليكي مو عندك السنة بكلوريا يا سندريلا اش الك انت هلق بالعراس و الاستقبالات ؟! قومي ادرسي احسنلك بلكي بتدخليلك شي كلية كويسة ... ضروري تطلعي متل خواتك من أبوك ؟! وحدة دخلتلي اقتصاد و التانية تعويضات سنية !!
سندريلا : يا خالة الساحرة ... يعني وقفت هلق على هالليلة ؟! الليلة بدو يكون موجود ابن المليونير و هو عبدور على عروس ...و اكيد ما رح يلاقي احسن مني ! بس مو لازم يشوفني بالاول ؟! الله يخليكي خالة ساعديني خليني اروح عالعرس !
طيب !! بس بشرط بنتي ... بترجعي بتدرسي و بتعوضي ياللي راح منك ها !!
سندريلا: حاضر خالة حاضر !
_قومي بقا يا بنتي لحتى نشوف اش بدك تلبسي و شلون بدنا نخليكي تصلي لهنيك ... بتعرفي وين محل العرس ؟!
_ ايه بعرف بفندق الشهباء بالصالة الشرقية !
_ طيب قومي لنشوف اش عندك لبس !
و فلتت سندريلا بالبكا ... ما عندي لبس ... لبسي كلو قديم و بطلانة موضتو ... شلون بدي اروح عالعرس هلق و ما عندي لبس حلو !!! شلون بدو يشوفني الشب ... رح يقول عني مبهدلة و ما بعرف البس و ماني من مقامو !!
......... ( صفنت الساحرة و بلشت تفكر )
الساحرة قررت انها تلبس سندريلا احلى لبس !!!
وحركت العصاية السحرية و برمتها بكم كلمة من تبعات السحر و اشرت بالعصاية على سندريلا ......... بس ............... ما صار شي ... و سندريلا بقيت متل ما هية ... التنتين طلعو ببعض باستغراب شديد و صفنو ...بعدين الساحرة اتذكرت و تنفست الصعداء ...
سندريلا : خير خالة الساحرة ... ليش ما مشي الحال ؟! الساحرة: و الله يا بنتي العصاية السحرية فضيانة بطاريتا و الشاحن كمان نسيتو بالبيت و ما رح تشتغل ...
.... و غرت الدمعة بعيون سندريلا ...و رجعت بدا تفلت بالبكا !!!
لولا اني الساحرة هدتا شوي و طبطبت عليها لكانت غرقت الدنيا بالدموع و صار الموضوع بدو حوسة ... بس الله ستر !
الساحرة : لا تزعلي بنتي ولا يهمك قومي معي لاشوف ...
و اخدتها من ايدها و نزلو عالشارع و اذ صيفة قدام البناية شبوحة سودا بتاخد العقل ...و عبسوقا شوفير ليبس و ملبس و محترم ...و انفتح الباب و طلعت الساحرة بالسيارة و سط دهشة و انشداه و جقمة تم و حولة عينين من سندريلا
الساحرة: اشبك بنتي ... طلعي اش عبتستني ؟!
_ يعني هي سيارتك خالة ؟ اش هالجخ هاد ولووووووو ... ساحرات اخر زمن !!
_طلعي بنتي بدنا نلحق العرس لا تضيعيلي وقتي !
....و الله و طلعو بهالسيارة و بلشو فتل من محل لمحل من العزيزية للعبارة لشارع النيل ... و ما تركو قرنة الا فتلوها ... بس شلون بالاخير هالسندريلا هي طلعت بتاخد العقل ... اللهم صلي عالنبي ... ما شاء الله حولا و حواليها بتاخد العقل و آخر شي فكرت فكرت الساحرة ... و طلعت ، شافت من بعيد محل ساعات قامت مسكتا من ايدا لسندريلا و راحت لعندو .. اشترتلا من عندو ساعة ... بس انا شخصيا ما فهمت بالاول ليش هالساعة الجربانة ! يعني ساعة كستك بلاستيك و موديلا تعبان .... يعني من ام الـ 150 ليرة من عالبصطة !!! و لما سالتا سندريلا للساحرة ليش هيك ... قالتلا : لك بنتي ما بقا معي مصاري لسع بدي اوصلك عالعرس و ارجع انا كمان عالبيت ....
(ها صحي و نسيت اقلكن الكندرة اشتروها من عند لا تنسيني ! بالعزيزية )
مسكت الساحرة سندريلا من ايديها و صارت تفتلا و تتفرج عليها ... ما شاء الله !!! الله يحرسك يا بنتي !! اش هالحلاوة ! ... دي امشي لاوصلك عالعرس
سندريلا : خالة ..... بدي اطلب منك طلب واحد بس قبل ما نروح !!!
و استغربت الساحرة و قالتلا : تفضلي بنتي تفضلي !
_ خالة ... و الله انا جوعانة ... اشتريلي صندويشة شاورما من عند الكبابجي ... كتير بحب الشاورما تبعيتو !
و الساحرة اتدورت عينيها و رايحة تنفلج بارضا... بس ما حكت ولا كلمة و قالتلو للشوفير طلاع عالجميلية بالله معلم! !
و الله راحو لهنيك ... بس الساحرة ما خلتا لسندريلا تطلع من السيارة مشان ما الشباب يلطشوا !! و بعد دقيقة رجعت و معا صندويشتين شاورما من ياللي بحبون قلبك .... ( صعي في محلات احسن بكتير من الكبابجي بس ها ياللي عجبا لسندريلا ... )
المهم اكلو و الله و شبعو و وقفو بنص الطريق عند عوجة حلب الجديدة ... هون عند الزاوية في حنفية سبيل ... ( ورا القبوسة ) وقفو عندا و غسلو ايديهن و بعدا راحو عالعرس ... و بنص الطريق ... طلعت هيك الساحرة و شهقت شهقة كانو رايحة تموت .... سندريلا ماتت من الرعبة ...
_ خير خير خالة اشبك ... الله يخليكي لا تموتي انا كتير حبيتك ( و بينا و بين نفسا عبتفكر اذا ماتت الساحرة شلون بدا تصل عالعرس ...) الساحرة : لك بنتي ولي عليكي و عالشاورما بعدا ... طلعي اش ساويتي بالبدلة ام الـ
الف ؟!؟!؟!!؟! لك شلون اجا من قلبك تنقطي عليها .... و طالعت الساحرا من جيبا دوا الضغط و شربت حبة !!!
و في هالمعميكة ... صارت تضوي اضوية بتشبه اضوية العصاية السحرية ...
سندريلا: ها ها ها ... كو اشتغلت العصاية خالة ....
و صاح صوت من بعيد لا عصاية سحرية ولا هم يحزنون .هاذا انا (( تـــــايـــــــد )) لغسيل انضف و بياض انصع ... نضع بين ايديكم خبرة 40 عاما
و فتل المارد تبع تايد فتلة حولين سندريلا و رجعت البدلة نضيفة متل اول..
و الله و هيك راحو لبين ما وصلو عالفندق ....و قبل ما سندريلا تنزل من السيارة مسكتا الساحرة من ايدا و قالتلا يا بنتي هادا كلو سحر ها ... و اذا ما رجعتي عالبيت قبل الساعة 5 وش الصبح كلو رح يختفي و بتطلعي بلبس البيت تبع الحوسة .... بقا ديري بالك تتاخري ها ...
سندريلا : بس خالة ... بالحكاية لازم ارجع قبل الـ 12 .!؟.!.!؟!؟
الساحرة : لك بنتي العرس بيبدا بالـ 12 بقا اينا 12 ؟؟!؟!؟!
و دخلت هالسندريلا بالفندق و بلشت تدور عالصالة الشرقية !!!!
و راحو مرت ابوها و خواتها التنتين لسندريلا على حفلة عرس بنت المليونير الكبير ... و اش ليبسين لبس و جخ و فخفخة غير شكل ! و بالحفلة رح يكون موجود ابنو ياللي عبدور على عروس
و قعدت هالمسكينة سندريلا لحالا بالبيت عبتندب حظا !
و فجأة طلعتلا الساحرة !! و بايدا العصاية السحرية !
طبعا سندريلا كانت قرأت القصة من قبل و عرفت انها لازم تتعجب وقت ياللي بتطلع الساحرة ... لذلك ما تعجبت بس ساوت حالا تعجبت ... و فنجرت عينيها كل وحدة هيك قدا !
و قالتلا الساحرة لسندريلا : اشبك روحي تقبري عضامي ليش زعلانة احكيلي روحي لا تخافي انا خالة الساحرة مو قريتي عني بالحكاية ؟!
قالتلا سندريلا : و الله شوفت عينك هي مرة ابوي الظالمة المفترية و بناتا التنين الجربانات راحو عالعرس و تركوني هون لوحدي اجلي و اغسل و اطبخ ...
هادا حظي المنيل اش اعمل يعني !!
الساحرة : لك ياللي بسمعك ما بقول انو عندكن غسالة و جلاية و مكنسة عالكهربا ... بقا اشو ياللي صعب عليكي تعمليه ؟!
سندريلا : اه ... يعني ما بتعرفي ؟! بالله نشر الغسيل و الكوي ماو مشقة يعني ؟!؟! بس اش اعمل بدي اتحمل ... حسبي الله و نعم الوكيل !
الساحرة : بعدين لك بنتي الله يرضى عليكي مو عندك السنة بكلوريا يا سندريلا اش الك انت هلق بالعراس و الاستقبالات ؟! قومي ادرسي احسنلك بلكي بتدخليلك شي كلية كويسة ... ضروري تطلعي متل خواتك من أبوك ؟! وحدة دخلتلي اقتصاد و التانية تعويضات سنية !!
سندريلا : يا خالة الساحرة ... يعني وقفت هلق على هالليلة ؟! الليلة بدو يكون موجود ابن المليونير و هو عبدور على عروس ...و اكيد ما رح يلاقي احسن مني ! بس مو لازم يشوفني بالاول ؟! الله يخليكي خالة ساعديني خليني اروح عالعرس !
طيب !! بس بشرط بنتي ... بترجعي بتدرسي و بتعوضي ياللي راح منك ها !!
سندريلا: حاضر خالة حاضر !
_قومي بقا يا بنتي لحتى نشوف اش بدك تلبسي و شلون بدنا نخليكي تصلي لهنيك ... بتعرفي وين محل العرس ؟!
_ ايه بعرف بفندق الشهباء بالصالة الشرقية !
_ طيب قومي لنشوف اش عندك لبس !
و فلتت سندريلا بالبكا ... ما عندي لبس ... لبسي كلو قديم و بطلانة موضتو ... شلون بدي اروح عالعرس هلق و ما عندي لبس حلو !!! شلون بدو يشوفني الشب ... رح يقول عني مبهدلة و ما بعرف البس و ماني من مقامو !!
......... ( صفنت الساحرة و بلشت تفكر )
الساحرة قررت انها تلبس سندريلا احلى لبس !!!
وحركت العصاية السحرية و برمتها بكم كلمة من تبعات السحر و اشرت بالعصاية على سندريلا ......... بس ............... ما صار شي ... و سندريلا بقيت متل ما هية ... التنتين طلعو ببعض باستغراب شديد و صفنو ...بعدين الساحرة اتذكرت و تنفست الصعداء ...
سندريلا : خير خالة الساحرة ... ليش ما مشي الحال ؟! الساحرة: و الله يا بنتي العصاية السحرية فضيانة بطاريتا و الشاحن كمان نسيتو بالبيت و ما رح تشتغل ...
.... و غرت الدمعة بعيون سندريلا ...و رجعت بدا تفلت بالبكا !!!
لولا اني الساحرة هدتا شوي و طبطبت عليها لكانت غرقت الدنيا بالدموع و صار الموضوع بدو حوسة ... بس الله ستر !
الساحرة : لا تزعلي بنتي ولا يهمك قومي معي لاشوف ...
و اخدتها من ايدها و نزلو عالشارع و اذ صيفة قدام البناية شبوحة سودا بتاخد العقل ...و عبسوقا شوفير ليبس و ملبس و محترم ...و انفتح الباب و طلعت الساحرة بالسيارة و سط دهشة و انشداه و جقمة تم و حولة عينين من سندريلا
الساحرة: اشبك بنتي ... طلعي اش عبتستني ؟!
_ يعني هي سيارتك خالة ؟ اش هالجخ هاد ولووووووو ... ساحرات اخر زمن !!
_طلعي بنتي بدنا نلحق العرس لا تضيعيلي وقتي !
....و الله و طلعو بهالسيارة و بلشو فتل من محل لمحل من العزيزية للعبارة لشارع النيل ... و ما تركو قرنة الا فتلوها ... بس شلون بالاخير هالسندريلا هي طلعت بتاخد العقل ... اللهم صلي عالنبي ... ما شاء الله حولا و حواليها بتاخد العقل و آخر شي فكرت فكرت الساحرة ... و طلعت ، شافت من بعيد محل ساعات قامت مسكتا من ايدا لسندريلا و راحت لعندو .. اشترتلا من عندو ساعة ... بس انا شخصيا ما فهمت بالاول ليش هالساعة الجربانة ! يعني ساعة كستك بلاستيك و موديلا تعبان .... يعني من ام الـ 150 ليرة من عالبصطة !!! و لما سالتا سندريلا للساحرة ليش هيك ... قالتلا : لك بنتي ما بقا معي مصاري لسع بدي اوصلك عالعرس و ارجع انا كمان عالبيت ....
(ها صحي و نسيت اقلكن الكندرة اشتروها من عند لا تنسيني ! بالعزيزية )
مسكت الساحرة سندريلا من ايديها و صارت تفتلا و تتفرج عليها ... ما شاء الله !!! الله يحرسك يا بنتي !! اش هالحلاوة ! ... دي امشي لاوصلك عالعرس
سندريلا : خالة ..... بدي اطلب منك طلب واحد بس قبل ما نروح !!!
و استغربت الساحرة و قالتلا : تفضلي بنتي تفضلي !
_ خالة ... و الله انا جوعانة ... اشتريلي صندويشة شاورما من عند الكبابجي ... كتير بحب الشاورما تبعيتو !
و الساحرة اتدورت عينيها و رايحة تنفلج بارضا... بس ما حكت ولا كلمة و قالتلو للشوفير طلاع عالجميلية بالله معلم! !
و الله راحو لهنيك ... بس الساحرة ما خلتا لسندريلا تطلع من السيارة مشان ما الشباب يلطشوا !! و بعد دقيقة رجعت و معا صندويشتين شاورما من ياللي بحبون قلبك .... ( صعي في محلات احسن بكتير من الكبابجي بس ها ياللي عجبا لسندريلا ... )
المهم اكلو و الله و شبعو و وقفو بنص الطريق عند عوجة حلب الجديدة ... هون عند الزاوية في حنفية سبيل ... ( ورا القبوسة ) وقفو عندا و غسلو ايديهن و بعدا راحو عالعرس ... و بنص الطريق ... طلعت هيك الساحرة و شهقت شهقة كانو رايحة تموت .... سندريلا ماتت من الرعبة ...
_ خير خير خالة اشبك ... الله يخليكي لا تموتي انا كتير حبيتك ( و بينا و بين نفسا عبتفكر اذا ماتت الساحرة شلون بدا تصل عالعرس ...) الساحرة : لك بنتي ولي عليكي و عالشاورما بعدا ... طلعي اش ساويتي بالبدلة ام الـ
الف ؟!؟!؟!!؟! لك شلون اجا من قلبك تنقطي عليها .... و طالعت الساحرا من جيبا دوا الضغط و شربت حبة !!! و في هالمعميكة ... صارت تضوي اضوية بتشبه اضوية العصاية السحرية ...
سندريلا: ها ها ها ... كو اشتغلت العصاية خالة ....
و صاح صوت من بعيد لا عصاية سحرية ولا هم يحزنون .هاذا انا (( تـــــايـــــــد )) لغسيل انضف و بياض انصع ... نضع بين ايديكم خبرة 40 عاما
و فتل المارد تبع تايد فتلة حولين سندريلا و رجعت البدلة نضيفة متل اول..
و الله و هيك راحو لبين ما وصلو عالفندق ....و قبل ما سندريلا تنزل من السيارة مسكتا الساحرة من ايدا و قالتلا يا بنتي هادا كلو سحر ها ... و اذا ما رجعتي عالبيت قبل الساعة 5 وش الصبح كلو رح يختفي و بتطلعي بلبس البيت تبع الحوسة .... بقا ديري بالك تتاخري ها ...
سندريلا : بس خالة ... بالحكاية لازم ارجع قبل الـ 12 .!؟.!.!؟!؟
الساحرة : لك بنتي العرس بيبدا بالـ 12 بقا اينا 12 ؟؟!؟!؟!
و دخلت هالسندريلا بالفندق و بلشت تدور عالصالة الشرقية !!!!
