من طرف daad الأحد يناير 11, 2009 5:55 am
اول شي عرفيلنا حالك بطريقة كتير خاصة فيكي
بنت عمري 15 سنة مطبلة بالدنيا مزمرة بالآخرة ههههههه عم امزح
بحب بحالي إني بااردة كتير وأعصابي رايقة ومابعصب بسرعة بس إذا عصبت بعصب فهمتوا هي إذا عصبت بعصب ههه جملة مفهومة ! ايه بس بروق بسرعة ..وكمان بحب إنو اللي بقلبي عراس لساني وصراحة هالشي مسببلي مشاكل بس الناس اللي قراب مني تعودوا عليي
بكره بحالي إني ماعندي ثقة بحالي وخاصة من سنتين بس هلأ عم اتطور شوي يعني عم اتحسن وبحكي على هالقصة بسؤالك السادس ...وكمان بكره إني مفكرة كل الناس متلي ومابشك بحدا مشان هيك تلات أرباع الناس بيفكروني جدبة أو مثلا وقت بقول شي عن حالي مثلا :أنا أوقات بكون سئيلة يعني أنا ما لازم قول هيك لأن إذا قلت هيك بكون جدبه طيب وإذا يعني مو ضروري حط حالي تحت الله بأصبعتين
وبكره أوقات بتصرف بعفوية وبس إرجع أتذكر حالي بقول وليي شو بايخة .
إي وأنا مابطييق المجاملة هيك بحسها ضحك عالدقون مشان هيك دايما رغد بتسايرني وأنا بترجاها ماتسايرني وتدجني قد مابتقدر وبكره الناس اللي بيكذبو عالطالعة والنازلة وبكره البخل و الحسد وبكره الناس اللي كل أحاديثن جق ولوص وحكي عالناس وبكره اللي بيتصنعوا الدين وبكره اللي بيحاولوا يشجعوا عالدين من خلال التخويف اي بس
وبحب القلب الطيب بموت عالناس يلي قلبن طيب يعني بيداروا غيرن و بيحسوا فيه وبيعملوا خير هيك لله مو لمصلحة و بحب الأغاني كتير بحسها أكتر شي بيعبر عني وبحب كل الناس و بحاول بعد عن الناس يلي ما ممكن إنأذا من وراهن .
أوقات بضطر ساير ناس وما أعطين رأيي يلي بيخالف رأين إتقاءا لشرهن
و بكره الناس اللي بيظنوا كتير ويلي بيحكموا على غيرن قبل مايفهموا شو صاير
ومابعرف إذا لاحظتو فيي هالشغلة يلي هيه بس لاقي حالي انسألت شي وحاولت إقلب الشغلة مزح مشان اتهرب من السؤال
اي وأنا بضحك كتير كتير كتير بطعمة وبلا طعمة هيك بحب واجه الدنيا بضحكة بس كتير أوقات مابتكون هالضحكة طالعة من قلبي
بحاول إكسب كل الناس حتى ولو أنا بدي بادر بالصداقة مع إني مابحب هالشغلة
مابعرف شوعم احكي وكتير حاسة حالي بايخة وردي مخربط وأفكاري مو مرتبة بس هاد يلي طلع معي وفي كتير تناقضات بحكيي
تاني شي شو احلى شي بطفولتك ؟؟
أحلى شي بطفولتي ؟ ههه إنو ماكان بيمرق علي شغلات الولاد وإني كنت لما أتبهدل ما أفهم يعني ماكان يرعبني شي وبحب حكياتي وقت كنت صغيرة وقت بيحكولي عن حالي بفرط ضحك عالعموم لساتني عايشة طفولتي
تالت شي شو طموحك ؟؟
طمووحي إممم أول شي إني أرضي ربي وتاني شي أدخل كلية بحبها وأشتغل بمحل مرتب و يكون عندي كتير رفقات متلي بنفس طباعي يعني و أتزوج واحد أسمر و جيب ولد يكون شقوة وبيجنن وتنح وراسو يابس و بيأذي (يأذي شغلات يعني مثلا مايخلي شغلة بالبيت ساغ سليم ومو يأذي ناس ) وبدي ياه مايبكي لأن ما بحب البكي (هلأ رح يستغربوا رفقاتي لأن مابطيق الولاد صح أنا مابحب الولاد هدول اللي بيكونو دايما عم يبكو و شاطين وماطين ) اي واللي حببني بالولاد إنو من يومين مريت قدام شيكو و يااي شو كان عندو شغلات حلوة
و طموحي الأخير إنو نصير أنا ونانسي رفقات و تحبني قد بحبها ب 0.01 % وإنو ضل مع رغد بنفس البلد و نشوف بعضنا كل يوم
رابع شي شو رأيك باللي عم يصير بغزة ؟؟
حياتي هالة الشي يلي عم يصير بغزة مو مشكلتنا نحنا مشكلتنا شو صار وشو عم يصير وشو رح يصير بفلسطين وفينا إذا رح نضل على هالوضع وبصراحة لازم نشكر إسرائيل يلي خلتنا نتذكر إنو نحنا إخوة و يلي عرفتنا عبعض ناس صهاينة جدد ما كانوا مبينين عم إمزح مابشكر إسرائيل الله يكسر إيدهن و يبعتلنا صهريج نسكافيه مشان نصحا عوضعنا
خامس شي نانسي بتحبيا كفنانة ولا كفنانة وانسانة ؟؟
لأني بحبها كإنسانة صرت حبها كفنانة وأصلا مابيكفي قول إني بحبها _بحبها كلمة كتير قليلة
نانسي بتعنيلي كتير وبس مارح احكي كتير عن ننوس لأن كتير رح طول
سادس شي حسيت عندك حس شعري بتحسي حالك خرج أدب وكتابة ؟
لأ مابحس حالي بالأدب أنا بكره الشعر الفصيح ومابحب اقرها كتب وروايات طبعا باستثناء الشعر الفصيح الغزل طبعا حبيب لحبيبته مو يجي شاعر و يتغزل بالخيل تبعو أو بجحشتو و بحب الشعر العامي بحسو أقرب عالقلب
اخر شي هاتي اسمين اثرو ايجابيا فيكي واسمين اثرو سلبيا
أثروا إيجابيا :
1. رغد
رغودة أثرت فيي كتير بلا ماتعرف يعني هيه اللي عطتني ثقة بحالي و قوتني و تسلملي بحبها كتير (كان بدي قول تقبرني بس اتذكرت إنو رغد ما بتحبني قول هالكلمة فقلت تسلملي )
2. نانسي
مابعرف ليش ولا كيف بس هالإنسانة مع إني مابعرفها بس بتفرحني أكتر من كتير ناس حواليي متل قلتن وكتير بحاول كون مؤدبه و هادية متلها
اسمين أثروا سلبيا :
امم مابعرف ماحدا أصلن أنا ما فيني ولا شي سلبي هههه عنجد مابعرف
