بالرغم من كل شي .. الزلمة نيته سليمة ..

السلام عليكم ورحمة الله ..

قال مرة الشرطة كمشوا واحد وأخدوه عالضابط ..

قالوا له هادا البني آدم دبح 26 زلمة بسيارته ..

الضابط ما أقتنع بالقصة راح وسأل الزلمة ..

فهمني .. شلون دبحت 26 واحد ؟

رد عليه المجرم بكل أدب وثقة بالنفس : اسمعني يا سيدي الضابط ، أنت رجل
مثقف وواعي وان شاء الله راح تتفهم اللي صار ..

انبسط الضابط من رده وقلله : طيب قلي شو صار معك ؟

رد عليه بنفس الثقة بالنفس : شوووف يا حضرة الضابط ، بدي صورلك الحالة ..
أنا هلأ مسرع وماشي بطريق سريع .. حلو ؟؟

الظابط : حلو

المجرم : تخيل إنو عالرصيف اللي عاليمين واحد قاعد ، وعالرصيف
اللي عيساري 25 واحد ..

الظابط : ماشي ..

المجرم : وعلى يسار الطريق في صالة أفراح ، وال25 زلمة رايحين لهنيك ،
اتضحت الصورة هيك ؟؟

الضابط : لهلأ كلامك معقول

المجرم : فجأة وانا ماشي ضرب علي الدولاب ، والسيارة بدها تروح
يا عاليمين , يا عاليسار ..

الضابط : إيوه ..

المجرم : يعني في خيارين ، يا بعفس الزلمة اللي لحاله ،
يا بعفس الخمسة وعشرين زلمة التانيين ، صح ولا أنا غلطان بحكيي ؟

الضابط : فعلاً موقف محرج , وبعدين ..

المجرم : طيب يا سيدي ، هلأ إنت رجل واعي وعاقل ..
فلنفرض انحطيت لا سمح الله بمتل هالموقف ، شو رح يكون تصرفك ؟

الضابط : إذا ما عندي إلا هالخيارين .. بعفس اللي لحاله طبعاً ..

المجرم : عين العقل ، أنا فكرت نفس تفكيرك وقلت بعفس الزلمة اللي لحاله ..

الضابط : طيب شلون قتلت الباقيين ؟

المجرم : خليك معي سيدي .. ولا تستعجل ،
أنا قررت ألف عالزلمة اللي لحاله ،


بس إبن ال.... راح عند الخمسة وعشرين زلمة اللي عاليسار قمت لحقته لأعفسه ..
قاموا انعفسوا الخمس وعشرين معه ..


/smiles/825589.gif" alt="" longdesc="79" /> /smiles/825589.gif" alt="" longdesc="79" />